
ក្រសួងសេដ្ឋកិច្ច និងហិរញ្ញវត្ថុ កំណត់ប្រាក់ឈ្នួលជាប់ភាគទានសន្តិសុខសង្គមអប្បបរមា ៦០ម៉ឺនរៀល និងពិតាន ១,៥លានរៀល
ភ្នំពេញ៖ ក្រសួងសេដ្ឋកិច្ច និងហិរញ្ញវត្ថុ និងក្រសួងការងារ និងបណ្តុះបណ្តាលវិជ្ជាជីវៈ បានកំណត់កម្រិតអប្បបរមានៃប្រាក់ឈ្នួលជាប់ភាគទានសម្រាប់ការអនុវត្តរបបសន្តិសុខសង្គម ចំនួន ៦០ម៉ឺនរៀល និងកម្រិតពិតានចំនួន ១,៥លានរៀល។
ភ្នំពេញ៖ ក្រសួងសេដ្ឋកិច្ច និងហិរញ្ញវត្ថុ និងក្រសួងការងារ និងបណ្តុះបណ្តាលវិជ្ជាជីវៈ បានកំណត់កម្រិតអប្បបរមានៃប្រាក់ឈ្នួលជាប់ភាគទានសម្រាប់ការអនុវត្តរបបសន្តិសុខសង្គម ចំនួន ៦០ម៉ឺនរៀល និងកម្រិតពិតានចំនួន ១,៥លានរៀល។
យោងតាមប្រកាសអន្តរក្រសួងស្តីពីការកែសម្រួលកម្រិតអប្បបរមា និងពិតាននៃប្រាក់ឈ្នួលជាប់ភាគទាន បានឱ្យដឹងថា ប្រាក់ឈ្នួលជាប់ភាគទានអប្បបរមាត្រូវកំណត់ត្រឹម ៦០ម៉ឺនរៀល ខណៈប្រាក់ឈ្នួលជាប់ភាគទានពិតានត្រូវកំណត់ត្រឹម ១លាន ៥សែនរៀល។
ប្រកាសនេះមានវិសាលភាពអនុវត្តចំពោះបុគ្គលទាំងឡាយ ដែលស្ថិតនៅក្រោមបទប្បញ្ញត្តិនៃច្បាប់ស្តីពីការងារ ដោយរួមបញ្ចូលទាំងបុគ្គលិកធ្វើការតាមផ្លូវអាកាស នាវាសមុទ្រ និងអ្នកបម្រើក្នុងផ្ទះ។ តាមប្រកាសអន្តរក្រសួងនេះ កម្រិតប្រាក់ឈ្នួលជាប់ភាគទានដែលបានកំណត់ខាងលើ មានអានុភាពអនុវត្តចាប់ពីថ្ងៃចុះហត្ថលេខាតទៅ។
បទប្បញ្ញត្តិទាំងឡាយណាដែលផ្ទុយនឹងប្រកាសនេះ ត្រូវទុកជានិរាករណ៍។ប្រកាសនេះក៏បានកំណត់ឱ្យថ្នាក់ដឹកនាំ និងអង្គភាពពាក់ព័ន្ធក្រោមឱវាទក្រសួងសេដ្ឋកិច្ច និងហិរញ្ញវត្ថុ និងក្រសួងការងារ និងបណ្តុះបណ្តាលវិជ្ជាជីវៈ ទទួលបន្ទុកអនុវត្តតាមភារកិច្ចរៀងៗខ្លួន៕
ដោយ៖khmerhome