Estate Agency E-16-222Valuation V-24-003
Royal 5G
MMT

Published:

← Back to Reports
មន្ត្រីជាន់ខ្ពស់ក្រសងរ៉ែ៖ គិតត្រឹម ៦ខែដើមឆ្នាំ២០២៦ ចំណូលសួយសារប្រមូលពីវិស័យរ៉ែបានជិត ៩៤លានដុល្លារ ខណៈចំណូលពីពន្ធនាំចេញ និងពន្ធដារផ្សេងៗ ប្រមូលបានប្រហែល ១៥០លានដុល្លារ

មន្ត្រីជាន់ខ្ពស់ក្រសងរ៉ែ៖ គិតត្រឹម ៦ខែដើមឆ្នាំ២០២៦ ចំណូលសួយសារប្រមូលពីវិស័យរ៉ែបានជិត ៩៤លានដុល្លារ ខណៈចំណូលពីពន្ធនាំចេញ និងពន្ធដារផ្សេងៗ ប្រមូលបានប្រហែល ១៥០លានដុល្លារ

ភ្នំពេញ៖ មន្ត្រីជាន់ខ្ពស់ក្រសងរ៉ែ លើកឡើងថា គិតត្រឹមរយៈពេល ៦ខែដើមឆ្នាំ២០២៦ ចំណូលសួយសារប្រមូលបានប្រមាណជិត ៩៤លានដុល្លារអាម៉េរិក ខណៈចំណូលពីវិស័យរ៉ែមានការអភិវឌ្ឍគួរឱ្យកត់សម្គាល់ ជាពិសេសចំពោះចំណូលសួយសារ ដែលប្រមូលបានផ្ទាល់មិនទាន់បូករួមចំណូលពីអាករនាំចេញ និងពន្ធដារផ្សេងៗទៀតឡើយ។

ភ្នំពេញ៖ មន្ត្រីជាន់ខ្ពស់ក្រសងរ៉ែ លើកឡើងថា គិតត្រឹមរយៈពេល ៦ខែដើមឆ្នាំ២០២៦ ចំណូលសួយសារប្រមូលបានប្រមាណជិត ៩៤លានដុល្លារអាម៉េរិក ខណៈចំណូលពីវិស័យរ៉ែមានការអភិវឌ្ឍគួរឱ្យកត់សម្គាល់ ជាពិសេសចំពោះចំណូលសួយសារ ដែលប្រមូលបានផ្ទាល់មិនទាន់បូករួមចំណូលពីអាករនាំចេញ និងពន្ធដារផ្សេងៗទៀតឡើយ។

ការលើកឡើងឲ្យដឹងបែបនេះរបស់ឯកឧត្តម អ៊ឹង ឌីប៉ូឡា អគ្គនាយកនៃអគ្គនាយកដ្ឋានធនធានរ៉ែ នៃក្រសួងរ៉ែ និងថាមពល ក្នុងសន្និសីទសារព័ត៌មានពីវិស័យរ៉ែ​ វឌ្ឍនភាពលើការងារអាជីវកម្មរ៉ែខ្សាច់ នាល្ងាចថ្ងៃទី៥ ខែកក្កដា ឆ្នាំ២០២៦ ទីស្តីការក្រសួងរ៉ែនិងថាមពល។

ឯកឧត្តម អ៊ឹង ឌីប៉ូឡា បន្តថា ចំណូលពីពន្ធនាំចេញ និងពន្ធដារផ្សេងៗ ក្រៅពីសួយសារត្រឹមតែមួយត្រីមាស គឺប្រមូលបានប្រហែល ១៥០លានដុល្លារបន្ថែមទៀត ខណៈដែលវិស័យនេះបានជួយបង្កើតការងារជូនប្រជាពលរដ្ឋបានចំនួន ១ម៉ឺន ២ពាន់នាក់។ ក្នុងនោះ មានស្ត្រីចូលរួមបម្រើការងារចំនួន ៧% ដែលជាកម្រិតស្តង់ដារអន្តរជាតិ។

ទោះជាយ៉ាងណា ឯកឧត្តម កែវ រតនៈ រដ្ឋមន្ត្រីក្រសួងរ៉ែនិងថាមពល បានបញ្ជាក់ថា ចំនួន ៧% នេះគឺមិនទាន់គ្រប់គ្រាន់ទេ ដោយក្រសួងមានគោលដៅជំរុញ និងខិតខំដំឡើងចំនួនស្ត្រីក្នុងវិស័យនេះឱ្យកើនឡើងដល់ ១៤% គុណនឹង ២ នាពេលខាងមុខ។

ឯកឧត្តម អ៊ឹង ឌីប៉ូឡា គូសបញ្ជាក់ថា សុវត្ថិភាពការងារក្នុងអណ្តូងរ៉ែ គឺគ្រោះថ្នាក់ការងារនៅក្នុងអណ្តូងរ៉ែមានការថយចុះកាន់តែខ្លាំង ដោយសារមានការប្រុងប្រយ័ត្នខ្ពស់។ ក្នុងរយៈពេល ៦ខែចុងក្រោយនេះ មិនមានករណីគ្រោះថ្នាក់រហូតដល់បាត់បង់ជីវិតឡើយ លើកលែងតែករណីនៅតំបន់រ៉ែអាណាធិបតេយ្យ ខ្លះដែលធ្លាប់កើតមានឡើងតែប៉ុណ្ណោះ។

​ឯកឧត្តមបន្ថែមថា ក្នុង​រយៈពេល​ដែល​រាជរដ្ឋាភិបាល​បាន​អនុញ្ញាត ​ឱ្យ​ធ្វើអាជីវកម្មខ្សាច់នាំ​ចេញ​ត្រឹម​រយៈពេល​៥ឆ្នាំនេះ ចំណូល​រដ្ឋ​ទាំងស៊ុយសា ទាំងអាករនាំចេញ ​គឺជាង​ ៤៥០​លាន​ដុល្លារ ជាចំណូល​ចូល​រដ្ឋ ហើយមិនទាន់បូកទាំងពន្ធដារ​ទេ។ បើបូកពន្ធដារ​ទៀត ចំណូល​ចូល ​​៦០០​លានដុល្លារ​ ក្នុង​រយៈពេលប្រមាណ ​៥​ឆ្នាំនេះ។

សូមបញ្ជាក់ថា ក្រោមការដឹកនាំរបស់សម្តេចតេជោ និងសម្តេចធិបតី បានសម្រេចសម្របសម្រួលបន្ថយពន្ធនាំចេញ និងកាត់បន្ថយនីតិវិធី ការិយាធិបតេយ្យ ដែលធ្វើឱ្យចំណូលសួយសារពីថ្មអារកើនឡើង ៣ ដង ពី ៣លានដុល្លារ ឡើងទៅដល់ជាង ១០លានដុល្លារក្នុងមួយឆ្នាំ។ ក្នុងមួយខែៗ កម្ពុជាបាននាំចេញថ្មអារទៅក្រៅប្រទេសបានប្រហែលជាង ២ពាន់កុងតឺន័រ ទៅកាន់ ១៥ប្រទេស ដូចជា ចិន អឺរ៉ុប ជប៉ុន និងប្រទេសជាច្រើនទៀត៕

អត្ថបទ៖khmerhome