Estate Agency E-16-222Valuation V-24-003
Royal 5G
MMT

Published:

← Back to Reports
សេតវិមាន៖ លោក Trump និង លោក Xi នឹងទំនងនិយាយនៅសប្តាហ៍នេះ ខណៈសេដ្ឋកិច្ចធំជាងគេទាំងពីរបានធ្លាក់ចុះមកវិញ

សេតវិមាន៖ លោក Trump និង លោក Xi នឹងទំនងនិយាយនៅសប្តាហ៍នេះ ខណៈសេដ្ឋកិច្ចធំជាងគេទាំងពីរបានធ្លាក់ចុះមកវិញ

សេតវិមាន បាននិយាយនៅថ្ងៃចន្ទ ទី២ ខែមិថុនានេះថា ប្រធានាធិបតីអាមេរិក លោក Donald Trump និងប្រធានាធិបតីចិន លោក Xi Jinping ទំនងជានឹងធ្វើការហៅទូរសព្ទដែលទន្ទឹងរង់ចាំជាយូរមកហើយនៅចុងសប្តាហ៍នេះ ខណៈ ដែលភាពតានតឹងពាណិជ្ជកម្មរវាងប្រទេសដែលមានសេដ្ឋកិច្ចធំជាងគេទាំងពីរបានធ្លាក់ចុះមកវិញ។

អន្តរជាតិ៖ សេតវិមាន បាននិយាយនៅថ្ងៃចន្ទ ទី២ ខែមិថុនានេះថា ប្រធានាធិបតីអាមេរិក លោក Donald Trump និងប្រធានាធិបតីចិន លោក Xi Jinping ទំនងជានឹងធ្វើការហៅទូរសព្ទដែលទន្ទឹងរង់ចាំជាយូរមកហើយនៅចុងសប្តាហ៍នេះ ខណៈ ដែលភាពតានតឹងពាណិជ្ជកម្មរវាងប្រទេសដែលមានសេដ្ឋកិច្ចធំជាងគេទាំងពីរបានធ្លាក់ចុះមកវិញ។

លោក Trump បានបន្តភាពតានតឹងជាមួយប្រទេសចិនកាលពីសប្តាហ៍មុន នៅពេលដែលគាត់បានចោទប្រកាន់ប្រទេសដែលមានសេដ្ឋកិច្ចធំជាងគេទីពីររបស់ពិភពលោកថា បានរំលោភលើកិច្ចព្រមព្រៀងដែលបាននាំឱ្យប្រទេសទាំងពីរកាត់បន្ថយជាបណ្តោះអាសន្ននូវពន្ធគយដ៏ធំសម្រាប់តាត់។

លេខាធិការសារព័ត៌មាន លោកស្រី Karoline Leavitt បានប្រាប់អ្នកសារព័ត៌មាននៅខាងក្រៅ West Wing នៅពេលសួរថាតើលោក Trump និង លោក Xi នឹងនិយាយគ្នា, លោកស្រី ថា "មេដឹកនាំទាំងពីរទំនងជានឹងពិភាក្សាគ្នានៅសប្តាហ៍នេះ"។

នៅពេលសួរអំពីសេចក្តីថ្លែងការណ៍កាលពីថ្ងៃអង្គារ អ្នកនាំពាក្យរបស់ក្រសួងការបរទេសចិន បាននិយាយថា ទីក្រុងប៉េកាំង "មិនមានព័ត៌មានដើម្បីផ្តល់" ទេ។

លោក Trump និងលោក Xi មិនទាន់មានទំនាក់ទំនងណាមួយដែលបានបញ្ជាក់នៅឡើយទេ អស់រយៈពេលជាង ៥ខែចាប់តាំងពីគណបក្សសាធារណរដ្ឋបានវិលត្រឡប់មកកាន់អំណាចវិញ ទោះបីជាមានការអះអាងជាញឹកញាប់ដោយប្រធានាធិបតីសហរដ្ឋអាមេរិកថា ការហៅទូរសព្ទមួយគឺជិតមកដល់។

លោក Trump ថែមទាំងបាននិយាយនៅក្នុងបទសម្ភាសន៍ជាមួយទស្សនាវដ្តី Time កាលពីខែមេសាថា លោក Xi បានទូរសព្ទទៅលោក ប៉ុន្តែទីក្រុងប៉េកាំងបានបដិសេធថា មិនមានការហៅទូរសព្ទមកនាពេលថ្មីៗនេះទេ។

មេដឹកនាំអាមេរិក បានណែនាំកាលពីខែមេសា លើពន្ធគយទូទាំងពិភពលោក ដែលផ្តោតគោលដៅលើប្រទេសចិនយ៉ាងខ្លាំងបំផុត ដោយចោទប្រកាន់ប្រទេសផ្សេងទៀតថា "ផ្តាច់" សហរដ្ឋអាមេរិក និងដំណើរការអតុល្យភាពពាណិជ្ជកម្ម។

ទីក្រុងប៉េកាំង និងវ៉ាស៊ីនតោនកាលពីខែមុនបានព្រមព្រៀងគ្នាកាត់បន្ថយពន្ធខ្ពស់យ៉ាងខ្លាំងចំពោះគ្នាទៅវិញទៅមកក្នុងរយៈពេល ៩០ថ្ងៃបន្ទាប់ពីការពិភាក្សារវាងមន្ត្រីកំពូលនៅទីក្រុងហ្សឺណែវ។

ប៉ុន្តែលោក Trump និងមន្ត្រីជាន់ខ្ពស់ក្រុងវ៉ាស៊ីនតោនផ្សេងទៀតកាលពីសប្តាហ៍មុនបានចោទប្រកាន់ប្រទេសចិនថា បានរំលោភលើកិច្ចព្រមព្រៀងនេះ ដោយរដ្ឋមន្ត្រីក្រសួងពាណិជ្ជកម្ម លោក Howard Lutnick បាននិយាយថា ទីក្រុងប៉េកាំងកំពុង "យឺតយ៉ាវ" កិច្ចព្រមព្រៀងនេះ។ លោក បានអត្ថាធិប្បាយទៅកាន់ Fox News កាលពីថ្ងៃអាទិត្យ។

ទីក្រុងប៉េកាំង បានច្រានចោលការអះអាងរបស់សហរដ្ឋអាមេរិក "ក្លែងបន្លំ" ទាំងនោះកាលពីថ្ងៃចន្ទ ហើយបានចោទប្រកាន់ទីក្រុងវ៉ាស៊ីនតោនថា បានដាក់ចេញនូវ "វិធានការរឹតបន្តឹងការរើសអើងមួយចំនួន"។

លោក Trump បានបង្កើនភាពតានតឹងដាច់ដោយឡែកពីគ្នាជាមួយដៃគូពាណិជ្ជកម្មផ្សេងទៀត រួមទាំងសហភាពអឺរ៉ុប ដោយប្តេជ្ញាថា នឹងដំឡើងពន្ធសកលទ្វេដងលើដែកថែប និងអាលុយមីញ៉ូមដល់ ៥០ភាគរយចាប់ពីថ្ងៃពុធ៕

ប្រភព៖CNA