ភ្នាក់ងារ E-16-222វាយតម្លៃ V-24-003
Royal 5G
MMT

ផ្សាយថ្ងៃ:

← ត្រលប់ទៅរបាយការណ៍
ដំណឹងល្អ! កម្ពុជាត្រៀមបិទបញ្ចប់ផែនការអភិវឌ្ឍឧស្សាហកម្ម ១០ឆ្នាំ ដំណើរឆ្ពោះទៅយុទ្ធសាស្ត្រថ្មី

ដំណឹងល្អ! កម្ពុជាត្រៀមបិទបញ្ចប់ផែនការអភិវឌ្ឍឧស្សាហកម្ម ១០ឆ្នាំ ដំណើរឆ្ពោះទៅយុទ្ធសាស្ត្រថ្មី

កម្ពុជាកំពុងស្ថិតក្នុងដំណាក់កាលចុងក្រោយនៃការវាស់វែងជោគជ័យនៃ "មេកាយន្តសេដ្ឋកិច្ច" របស់ខ្លួន គឺគោលនយោបាយអភិវឌ្ឍន៍វិស័យឧស្សាហកម្ម (IDP) ២០១៥-២០២៥។ កាលពីថ្ងៃទី២៦ ខែកុម្ភៈ ឆ្នាំ២០២៦ កិច្ចប្រជុំអន្តរក្រសួងដ៏សំខាន់មួយត្រូវបានធ្វើឡើង ដើម្បីបូកសរុបលទ្ធផល និងពិនិត្យមើលថាតើក្នុងរយៈពេល ១០ឆ្នាំកន្លងមកនេះ កម្ពុជាបានដើរដល់គោលដៅកម្រិតណា។

ភ្នំពេញ៖ រាជរដ្ឋាភិបាលកំពុងពន្លឿនការវាយតម្លៃគោលនយោបាយអភិវឌ្ឍន៍វិស័យឧស្សាហកម្ម (IDP) រយៈពេល១០ឆ្នាំ (២០១៥-២០២៥) ដើម្បីរៀបចំជារបាយការណ៍ជូនគណៈរដ្ឋមន្ត្រីអនុម័ត។

កិច្ចប្រជុំអន្តរក្រសួងមួយត្រូវបានធ្វើឡើងនៅថ្ងៃទី២៦ ខែកុម្ភៈ ក្រោមអធិបតីភាព ឯកឧត្តម នុត អ៊ុនវ័ណរ៉ា អគ្គលេខាធិការរងគណៈកម្មាធិការវិនិយោគ ដោយមានការចូលរួមពីតំណាងក្រសួង-ស្ថាប័នពាក់ព័ន្ធប្រមាណ ៨០នាក់ ដើម្បីពិនិត្យ និងផ្ទៀងផ្ទាត់ទិន្នន័យចុងក្រោយ។

គោលដៅសំខាន់គឺរៀបចំសេចក្តីព្រាងរបាយការណ៍វាយតម្លៃចុងអាណត្តិឱ្យបានចប់នៅដើមខែមេសា ឆ្នាំ២០២៦ និងដាក់ជូនគណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុពិនិត្យនៅខែមិថុនា មុននឹងបញ្ជូនទៅកាន់គណៈរដ្ឋមន្ត្រីអនុម័តជាផ្លូវការ។

តាមរយៈកិច្ចពិភាក្សា អង្គប្រជុំបានផ្តោតលើការបំភ្លឺទិន្នន័យសូចនាករ វិធានការអនុវត្ត និងប្រសិទ្ធភាពនៃយន្តការស្ថាប័នកន្លងមក។ ក្រសួង-ស្ថាប័នពាក់ព័ន្ធត្រូវបានផ្តល់ពេលពីរសប្តាហ៍ ដើម្បីកែសម្រួលទិន្នន័យ និងផ្តល់ការបំភ្លឺបន្ថែមជាលាយលក្ខណ៍អក្សរ។

ការវាយតម្លៃនេះនឹងកំណត់ពីភាពជោគជ័យ មេរៀន និងបញ្ហាប្រឈមនៃគោលនយោបាយរយៈពេល១០ឆ្នាំ ដើម្បីធ្វើជាមូលដ្ឋានសម្រាប់រៀបចំយុទ្ធសាស្ត្រអភិវឌ្ឍន៍ឧស្សាហកម្មនាពេលខាងមុខ។

គូសបញ្ជាក់ថា "នេះមិនមែនគ្រាន់តែជាការបូកសរុបតួរលេខប៉ុណ្ណោះទេ ប៉ុន្តែវាគឺជាមូលដ្ឋានគ្រឹះសម្រាប់កម្ពុជាក្នុងការរៀបចំយុទ្ធសាស្ត្រឧស្សាហកម្មជំនាន់ថ្មី បន្ទាប់ពីឆ្នាំ ២០២៥ ដើម្បីប្រកួតប្រជែងក្នុងតំបន់ និងសកលលោក៕"

ដោយ៖ មឿន ឌីណា (Moeun Dyna)