ភ្នាក់ងារ E-16-222វាយតម្លៃ V-24-003
Royal 5G
MMT

ផ្សាយថ្ងៃ:

← ត្រលប់ទៅរបាយការណ៍
ខិត្តប័ណ្ណពន្ធលើផ្ទាំងផ្សព្វផ្សាយ ជួយអ្នកជាប់ពន្ធបំពេញកាតព្វកិច្ចត្រឹមត្រូវតាមច្បាប់

ខិត្តប័ណ្ណពន្ធលើផ្ទាំងផ្សព្វផ្សាយ ជួយអ្នកជាប់ពន្ធបំពេញកាតព្វកិច្ចត្រឹមត្រូវតាមច្បាប់

ពន្ធលើផ្ទាំងផ្សព្វផ្សាយ ជាពន្ធប្រចាំឆ្នាំ ដែលត្រូវបង់ចាប់ពីថ្ងៃទី១ មករា ដល់ ៣១ មីនា។ ការកំណត់ប្រភេទផ្ទាំង ទំហំ ទីតាំង និងលក្ខណៈផ្សេងៗ ឱ្យបានត្រឹមត្រូវ នឹងជួយឱ្យការបង់ពន្ធត្រឹមត្រូវតាមច្បាប់។

ភ្នំពេញ៖ ពន្ធលើផ្ទាំងផ្សព្វផ្សាយ ជាប្រភេទពន្ធប្រចាំឆ្នាំ អនុវត្តចំពោះការផ្សព្វផ្សាយតាមគ្រប់រូបភាព ទាំងចល័ត និងអចល័ត នៅក្នុងព្រះរាជាណាចក្រកម្ពុជា ដែលអ្នកជាប់ពន្ធត្រូវគណនានិងបង់ប្រាក់ពន្ធ ចាប់ពីថ្ងៃទី១ ខែមករា ដល់ថ្ងៃទី៣១ ខែមីនា ជារៀងរាល់ឆ្នាំ។

ដើម្បីគណនានិងបង់ប្រាក់ពន្ធលើផ្ទាំងផ្សព្វផ្សាយ បានត្រឹមត្រូវ អ្នកជាប់ពន្ធគួរកំណត់លក្ខណៈរបស់ផ្ទាំងផ្សព្វផ្សាយនីមួយៗ ឱ្យបានច្បាស់លាស់ តាមលក្ខណៈសម្គាល់មួយចំនួនដូចខាងក្រោម៖

·       ប្រភេទនៃបណ្ណប្រកាស ជាប្រកាសបណ្ណផ្សាយពាណិជ្ជកម្ម ឬស្លាកអាជីវកម្មដ្ឋាន ឬផ្ទាំងអក្សរ ឬផ្ទាំងរូបភាព សម្រាប់គោលបំណងពាណិជ្ជកម្ម

·       ទំហំនៃបណ្ណប្រកាស (ក្រឡាផ្ទៃគិតជាដេស៊ីម៉ែត្រក្រឡា)

·       តួអក្សរបរទេស និងទំហំ (គិតតាមចំនួនតួអក្សរ និងកម្ពស់តួអក្សរគិតជាដេស៊ីម៉ែត្រ)

·       អចល័ត (នៅមួយកន្លែង) ឬចល័ត (តាមមធ្យោបាយដឹកជញ្ជូននានា)

·       មានពន្លឺ ឬគ្មានពន្លឺ

·       ទីតាំងនៃការលើកស្លាក កែង ឬស្រប ជាដើម

បន្ថែមលើសនេះ ដើម្បីបង្កភាពងាយស្រួលដល់អ្នកជាប់ពន្ធ ក្នុងការឈ្វេងយល់ពីពន្ធលើផ្ទាំងផ្សព្វផ្សាយ អគ្គនាយកដ្ឋានពន្ធដារ បានរៀបចំ ខិត្តប័ណ្ណពន្ធលើផ្ទាំងផ្សព្វផ្សាយ ដែលបានសង្ខេបពីចំណុចសំខាន់ៗនៃពន្ធនេះ ជាអាទិ៍មាន និយមន័យពាក្យគន្លឹះ ការលើកលែងពន្ធ អត្រាពន្ធ មូលដ្ឋានគិតពន្ធ ការគណនា រួមទាំងឧទាហរណ៍ ព្រមទាំងកាតព្វកិច្ច និងបែបបទនៃការប្រកាស និងបង់ប្រាក់ពន្ធផងដែរ៕

ដោយ៖ មឿន ឌីណា (Moeun Dyna)