ភ្នាក់ងារ E-16-222វាយតម្លៃ V-24-003
Royal 5G
MMT

ផ្សាយថ្ងៃ:

← ត្រលប់ទៅរបាយការណ៍
កម្ពុជានឹងទទួលជើងហោះហើរជាង ៣ម៉ឺនលើក និងកៅអីសម្រាប់អ្នកដំណើរជាង ៥,១លានកន្លែង ក្នុងឆ្នាំ២០២៥

កម្ពុជានឹងទទួលជើងហោះហើរជាង ៣ម៉ឺនលើក និងកៅអីសម្រាប់អ្នកដំណើរជាង ៥,១លានកន្លែង ក្នុងឆ្នាំ២០២៥

ក្នុងឆ្នាំ២០២៥ កម្ពុជានឹងស្វាគមន៍ជើងហោះហើរចំនួន ៣១,៥៧៩លើក ដោយមានកៅអីសម្រាប់អ្នកដំណើរដែលអាចប្រើបាន ៥,១៨២,៨៦៤កន្លែង។ បើយោងតាមក្រុមហ៊ុនវិភាគទិន្នន័យអាកាសចរណ៍ Cirium។

ភ្នំពេញ៖ ក្នុងឆ្នាំ២០២៥ កម្ពុជានឹងស្វាគមន៍ជើងហោះហើរចំនួន ៣១,៥៧៩លើក ដោយមានកៅអីសម្រាប់អ្នកដំណើរដែលអាចប្រើបាន ៥,១៨២,៨៦៤កន្លែង។ បើយោងតាមក្រុមហ៊ុនវិភាគទិន្នន័យអាកាសចរណ៍ Cirium។

លោក wang wenbin ឯកអគ្គរដ្ឋចិនប្រចាំកម្ពុជា បានដកស្រង់វិភាគទិន្នន័យអាកាសចរណ៍ Cirium ឆ្នាំ២០២៥ កម្ពុជានឹងស្វាគមន៍ជើងហោះហើរចំនួន ៣១៥៧៩លើក កើនឡើង ១៤.២% បើធៀបនឹងរយ:ពេលដូចគ្នាកាលពីឆ្នាំ២០២៤។

កៅអីសម្រាប់អ្នកដំណើរដែលអាចប្រើបាន(Available passenger seats)នឹងឡើងដល់ ៥,១៨២,៨៦៤កន្លែង កើនឡើង ១៤.៧% បើធៀបនឹងរយ:ពេលដូចគ្នាកាលពីឆ្នាំ២០២៤។ បើតាមទិន្នន័យដដែល។

លោក wang wenbin ដែលបានដកទិន្នន័យដដែលនេះ បានបញ្ជាក់ថា តួលេខកំណើនជើងហោះហើរ និងកៅអីដ៏រឹងមាំនេះ បានបញ្ជាក់អំពីភាពរីកចម្រើនរបស់កម្ពុជាក្លាយជាគោលដៅទេសចរណ៍មួយចំណោមគោលដៅដទៃទៀតដែលប្រកបដោយកម្លាំងរស់រវើក និងសំទុះអភិវឌ្ឍន៍ខ្លាំងបំផុតនៅអាស៊ី៕

គួបញ្ជាក់ក្នុងត្រីមាសទី១ ឆ្នាំ២០២៥ ប្រទេសកម្ពុជាទទួលបានអ្នកដំណើរតាមផ្លូវអាកាសសរុបចំនួន ១.៩៦លាននាក់ កើនឡើង ១៩% ធៀបនឹងរយៈពេលមួយឆ្នាំ។ អាកាសយានដ្ឋានរបស់ប្រទេសកម្ពុជាក៏បានកត់ត្រាការកើនឡើង ១០% នៃបរិមាណទំនិញតាមផ្លូវអាកាសដល់ ១៧,១៤៧តោនផងដែរ។

តាមរដ្ឋលេខាធិការដ្ឋានអាកាសចរណ៍ស៊ីវិលបានព្យាករថា កម្ពុជានឹងទទួលបានអ្នកដំណើរតាមផ្លូវអាកាសចំនួន ៧,៥លាននាក់ក្នុងឆ្នាំ២០២៥ ដែលនឹងកើនឡើង ២០% ពី ៦,២៤លាននាក់ក្នុងឆ្នាំ២០២៤។

គួររម្លឹលផងដែរថា ក្នុងឆ្នាំ២០២៤ កម្ពុជាមានជើងហោះហើរសរុបចំនួន ៥៨ ៣៥៤ជើង ដែលមានកំណើន ១៤% បើប្រៀបធៀបទៅនឹងឆ្នាំ២០២៣ សរុបចំនួន ៥១ ១៤៩ជើង។ ចំណែក ជើងហោះហើររំលងមានសរុបចំនួន ៧១ ៦១៣ជើង មានកំណើន ១៤% បើប្រៀបធៀបទៅនឹងឆ្នាំ២០២៣ ដែលទទួលបានជើងហោះហើរសរុបចំនួន ៦៣ ០៨៧ ជើង៕

ដោយ៖ មឿន ឌីណា (Moeun Dyna)