
គម្រោងវិនិយោគចំនួន ៣៧៣គម្រោង ក្នុងទំហំទុនវិនិយោគសរុបប្រមាណ ៥,៨ប៊ីលានដុល្លារ ក្នុងឆមាសទី១ ឆ្នាំ២០២៥
ក្នុងឆមាសទី១ ឆ្នាំ២០២៥ គម្រោងវិនិយោគចំនួន៣៧៣ ក្នុងទំហំទុនវិនិយោគសរុបប្រមាណ ៥,៨ប៊ីលានដុល្លារអាម៉េរិក ត្រូវបានអនុម័តដោយក្រុមប្រឹក្សាអភិវឌ្ឍន៍កម្ពុជា។

ភ្នំពេញ៖ ក្នុងឆមាសទី១ ឆ្នាំ២០២៥ គម្រោងវិនិយោគចំនួន៣៧៣ ក្នុងទំហំទុនវិនិយោគសរុបប្រមាណ ៥,៨ប៊ីលានដុល្លារអាម៉េរិក ត្រូវបានអនុម័តដោយក្រុមប្រឹក្សាអភិវឌ្ឍន៍កម្ពុជា។
ក្នុងឆមាសទី១ ឆ្នាំ២០២៥ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគសរុបចំនួន ៣៧៣គម្រោង ក្នុងទំហំទុនវិនិយោគសរុបប្រមាណ ៥,៨ប៊ីលានដុល្លារ និងអាចបង្កើតការងារបានប្រមាណ ២៥៥ពាន់កន្លែង។
ក្នុងចំណោម គម្រោងវិនិយោគសរុប គម្រោងវិនិយោគដែលមានទីតាំងស្ថិតនៅក្រៅតំបន់ សេដ្ឋកិច្ចពិសេសមានចំនួន ២១៦គម្រោង និងគម្រោងវិនិយោគដែលមានទីតាំងស្ថិតនៅក្នុងតំបន់សេដ្ឋកិច្ច ពិសេសមានចំនួន ១៥៧គម្រោង។
ជារួម ក្នុងឆមាសទី១ ឆ្នាំ២០២៥នេះ ការអនុម័តគម្រោងវិនិយោគមានការ កើនឡើងចំនួន ១៨៣គម្រោង ខណៈទុនវិនិយោគមានការកើនឡើងប្រមាណ ២,៥ប៊ីលានដុល្លារ ស្មើនឹង ប្រមាណ ៧៧% ធៀបនឹងរយៈពេលដូចគ្នាក្នុងឆ្នាំ២០២៤។វិនិយោគតាមវិស័យ ក្នុងនោះ វិស័យហរដ្ឋារចនាសម្ព័ន្ត និងផ្សេងៗ ទទួលបានទុន ១,៥ប៊ីលានដុល្លារ, វិស័យឩស្សហកម្ម ទទួលបានទុន ៤,២ប៊ីលានដុល្លារ, កសិកម្ម និងកសិឩស្សហកកម្ម ទទួលបានទុន ១៣០លានដុល្លារ និងវិស័យទទួលបាន ២០កលានដុល្លារ។
តាមការបញ្ជាក់ ក្រុមប្រឹក្សាអភិវឌ្ឍន៍កម្ពុជា ប្រភពទុនវិនិយោគឈានមុខគេរួមមាន៖ វិយោគិនចិនឈរនៅលើកំពូល ៥៦,២៣%, កម្ពុជា ២៩,៧៦% ខណៈ សិង្ហបុរី ៧,៧២% តាមពីក្រោយ វៀតណាម ៣,០១%, កៀកកិតគ្នានេះ កោះ Bristish Vigin ១,០៤%។
ទោះជាយ៉ាងណា អង់គ្លេសក៏ស្ថិតនៅក្នុងតារាងផង ដែលមាន ០,៥៦, នៅពីក្រោយដែរនេះ កោះ Gayman ០,៥១ ខណៈ សហរដ្ឋអាមេរិក ០,៣៧ ហើយ កោះ Somoa ០,៣៤, សាធារណរដ្ឋកូរ៉េ ០,១៥%៕
ដោយ៖ មឿន ឌីណា (Moeun Dyna)